Pantun babaleh
Dagang habih pokoklah tandeh.
Rugi malah nan denai raso.
Badan lah latiah paluah maleleh.
Namun bansaik ndak hilang juo.
Baralek urang dilubuak aluang.
Badendang nyanyi mudiak arau.
Ulah dek bansaik hiduik dikampuang.
Makonyo den cubo payi marantau.
Alah babunyi sigandang tasa.
Alek nagari ditujuah koto.
Tanah tapian salamaik tingga.
Denai bajalan jo hati ibo.
Sabak jo tangih indak tatahan.
Jatuah kadalam siaia mato.
Salamaik tingga kampuang halaman.
Mungkin den payi marantau cino.
Dulu batanam sibatang pisang.
Kini batanam tabu manih.
Dahulu kito bakasiah sayang.
Kini manjadi ratok tangih.
Ka buo kito ka buo
ka buo ka balai tangah
basuo kito lah basuo
kito basuo sambie bagarah
Sayuik-sayuik mato mamandang
ketek lah nampak dari simpang tigo
dek ulah mkan mie tlampau kanyang
mangarujuah paruek denay di buek nyo,,
Mancari pitih sabana sarik.
Utang banyak utak den panik.
Jikok dipikia kapalo den sakik.
Raso kaden minum ubek rangik
Kapasa mambali samba
lauk di minta nan dapek bada
usah la adiak panik bana
iduik di duya nmpang tingga
Anak gadih bajalan di hari patang
kanai berang dek mak adang
karjo hanyo lalok dari pagi hinggo patang
ba a ka caro kamambayia utang
Urang solok bataranak ayam...
Dibali anak urang salayo...
Sabalun lalok den kirim salam...
Untuak uda nan jauah dimato...
Sikaduduak jo rumpuik banto
batang kapeh dari ulakan
tarumuak hati didado
punai lah lapeh dari ganggaman
Dri bungguih k batang kapeh,,,,
jln babelok k pasa kmbang,,,,
kayia putuih ikan lah lapeh,,,
ikan lah masuak k pukek urang
Urang lolong jalan baduo.
Mamakai baju warno putiah.
Condong carano pado nan kayo.
Awak nan bansaik badan tasisiah.
Kaladang urang batanam lado.
Lado ditanam harilah patang.
Teganyo hati kumbang babanso.
Marabuik bungo nan denai sayang.
Kapasa d hari sanjo,,,
pai mambali daun siriah,,
alh k samo nasip kito,,
dek awak bansaik mangko tasisiah,
Ambiak parang di dalam peti
buah kemiri diateh kain
uda surang didalam hati
indak denai cari nan lain
Pai baburu kadalam rimbo
di sinan sobok datuak cumano
bukan nyodenai indak picayo
anak gadih kini banyak panduto
Luruih jalannyo kapasa jati. .
jalan bakelok ka kuraitaji. .
kalau lai sabananyo cinto dihati. .
marilah kito ikek kan janji. .
Lah den tanam siparak jaguang,
daunnyo labek jarang isinyo,
lah den bao katukang tanuang diak ,
lah tapek bana malah kironyo .
Duduak surang mamakan manggih
manggih dimakan yo manggih mudo
kok ado kandak muluiknyo manih
biaso nyo acuah sajo
Buah kmiri di ateh kain,..
Kain bnamo kain salendang,,
wlaupun bnyak gadih yg lain,,
hanyo adiak yg uda cinto,,,
Layi den cubo maambiak bintang.
Apo kadayo tangan ndak sampai.
Layi den cubo batanam sayang.
Sayang putuih badan marasai.
Batang karambia tumbuah dirimbo.
Tampek hinggok buruang barabah.
Ndak mungkin balayia kapulau cinto.
Dek biduak den tirih pandayuang patah.
Di rantang banang kiniko
tasangkuik kawek baduri
jo sayang denai bakato
denai bagaluik adiak lari
Tasingkok tuduang di ateh meja
nampaklah jariang jo goreng udang
adiak nan kamek den kaja-kaja
ruponyo adiak lah bini urang
Tabanglah bondo dari udaro
handak inggok diujuang dahan
cinto umpamo mangganggam baro
taraso angek balapehkan
Sakik sanang bundo manganduang,
sambilan bulan di rasai'i,
coiko bana nan denai tangguang
cinto lah lakek di kihanati.......
Batang bukareh tumbuah tapi sawah
dahan nan manjulai ka tapi jalan
tampek hinggok si buruang punai
kok kareh diak hati untuak bapisah
tahan indak den tahan
cari lah nan labiah elok dari diri denai
Bulan purnama tarang cahayo
baransua hilang ditangah malam
heran denai nan dibueknyo
musang disipak dek induak ayam
Marintiak hujan manimpo atok.
Hujan nan turun mambasahi bumi.
Takana parasaian manjalang lalok.
Den paluak banta denai tangisi.
Kancang larinyo kudo bendi,,,
baliak manambang dari balai,,
mambaco pantun sanak tadi,,
aia mato jatuah badarai,,
Parmato jatuah karumpuik,
jatuah ka rumpuik sibilang-bilang,
sungguah di mato alah lupuik,
namun di hati indak kahilang.
Anak baruak ditapi pantai
masuak ka sawah makan padi
bia buruak diri denai
tapi banyak nan kanai hati
Batang kapeh tumbuah diladang,
dahan manjalo kadalam sawah,
dicubo bakureh malam jo siang,
mudah-mudahan nasib bisa barubah.
Cikarau di hulu aia,
diambiak sado nan mudo,
utang lamo alun tabayia,
nan baru katibo pulo..
Ikok dibaco iduik mularaik
namuah nyo kariang si ayie mato
bia kayo bia bansaik
nan pantiang cukuik ntk balanjo
baliang2 ateh bukik
diambuih badai baputa sajo
kuruih kariang bayak pinyakik
taruih dirasai salamoko..
Rancak rononyo kain palakaik,
baok sumbayang dihari rayo,
jikok jo harato denaiko bansaik,
tapi den layi punyo cinto.
Alah baputiak sibatang patai,
sudah baputiak labek buahnyo.
Kok iyo cinto adiak kadenai.
Tarimolah denai apo adonyo.
Den tanamkan si lado padi
parak sabalah alah marimbo
den tahankan galau dihati
walau masalah timpo batimpo
Urang tandikek batanam kalikih.
Kalikih ditanam manjalang sanjo.
Kok indak dapek babini gadih.
Jo urang gaek kan jadih juo.
Silek bukan sumbarang silek.
Silek diiriangkan musik talempong.
Ubek bukan sumbarang ubek.
Ikolah ubek untuak dompet kosong.
Dalam manangih dilua galak.
Coitulah nasib nan den tanguangkan.
Bapasan kami pado dunsanak.
Usahlah cinto sanak pamainkan.
Anak ayam ditapi lubuak.
Mati tapijak dek anak jawi.
Hari lah malam mato lah ngantuak.
Sabalun lalok den gosok gigi.
Mamatiak tomat dihari sanjo
lai koh jaleh merah hijaunyo?
Maninggakan sholat alah biaso
indak koh takuik api narako?
Malaju oto kabukik tinggi.
Dimalalak jalan bakelok.
Batanyo ambo sadang bak kini.
Adoko sanak nan balun lalok ??.
Balai rabaa di pagi hari
rami urang manggaleh lado
baa kaba dunsanak kini?
Mudah2an sehat sadonyo
Bukannyo denai mananam kacang
denai mananam sibatang palo
bukannyo denai nan indak sayang
tapi dek uda acok baduto
Basampan nak ka subarang
angin bakisa lalu balayia
den sangko uda sabana sayang
kironyo uda si kuciang aia
Hari raba a pukua satu
urang manembak pukua duo
kanai sipipik hampia patang
tangah malam alun juo mati
lai sarawa tak babaju
tarompa japang putuih pulo
joa ditampuah alek urang
mangko manangih surang diri
Diladang tumbuah sirumpuik banto.
Tumbuah basalo jo batang tomat.
Badan den latiah dek bakarajo.
Den lalok sabanta untuak istirahat.
Jikok dicaliak anak gadih kini,
bajalan sanjo pulangnyo pagi,
adaik jo syarak nan nyo ingkari,
babaju ketat pakai rok mini.
Diladang tumbuah sibatang anau,
tampek basarang siburuang murai,
den sangko sanang payi marantau,
kironyo hiduik tambah marasai.
Buah mangih lamak rasonyo,
buahnyo dipanen dihari patang,
pitih habih panyakik tibo,
marasai badan den tanguang surang.
Anak urang sabuak andaleh,
payi mangaleh kapadang panjang,
dagang habih pokoklah tandeh,
ndak ado biaya untuak kapulang
Tinggi tabang siburuang balam,
sairiang tabang nan jo merpati,
sapandainyo kito didalam alam,
indak kapandai manulak mati.
Anak ayam turun sapuluah,
matinyo satu tingga sambilan,
jikok bapisah nyawo jo tubuah,
tangan balipek dipambariangan.
Kain basahan dibaok mandi,
sudah mandi dibaok pulang.
Bapulang ulama pado illahi,
antah pabilo gantinyo datang.
Urang nan sadang alek nagari,
nagari banamo koto dalam,
ibaraik palito dalam nagari,
ulama wafat palito padam.
Pejabat mati banyak pangganti,
ulama mati antahlah bedo,
bapulang ulama pado illahi,
antah pabilo dapek gantinyo.
Dimalah kaki indak ka luko
samak ilalang nan den lalui
dimalah hati indak ka ibo
pamenan urang nan tasayangi
Alah kariang sawah jo ladang,
dek kariang pulo banda dihulu,
dimanoko kini adiak den sayang,
denai lah taragak mananguang rindu.
Urang tandikek pai ka pauah
mancari batuang mancari buluah
jikok mandapek durian runtuah
mari disantuang mari dipupuah
Urang tandikek payi kapasa,
kapasa untuak mambali lado.
Dek maso ketek kurang bahagia,
makonyo tajadi sarupo iko.
Padang panjang dingin udaronyo
tampek lalu sianak dagang
malang bana nasibnyo ambo
sampai kini masih mambujang
Buruang merak jo buruang nuri
nan katigo siburuang bondo
bagi sanak nan alun mandi
capeklah mandi sanak sagiro.
Kito sadonyo samo rang minang,
walaupun suku kito baragam,
marilah mulai dari sekarang,
basamo mambangkik batang tarandam.
Pagi hari hujan bararak
rancak den cubo minum kopi
laki pakak binipun enggak
lah heboh sajo satiok hari
Rabahlah kayu diateh kasiak
ulah dek kuaik anggin basipak
malu denai dek ulah adiak
mamancakan kantuik dakek rang banyak
Sakik apokoh nan den alami
rindu jo seso hati di dalam
di ubek ka dokter tambah bajadi
ba ubek ka dukun makin mandamam
